Kompleta
Gramatiko detaloza
di la
linguo internaciona Ido
|
|
||||||||
| Pronunco dil vokali. | Pronunciation of Vowels |
| 2. — En Ido, la vokali havas meza sonoduro, quale en l'Italiana. On pronuncas li : |
| a ne tro apertita, nam ol havus graveso desagreabla; ne tro klozita, nam ol esus ne sat bone dicernebla. On atencez precipue, ke la dezinenco a dil adjektivi esez nultempe pronuncata quale Germana, o Franca. Ol sonez a tre pure, quale en l'Italiana. |
| e, o, apertita o klozita, se nur on audigas li en maniero donanta dicernebleso senduba. — Notez bone, ke la vokalo e nultempe esas muta, quale en Franca linguo (1). |
| u sempre devas pronuncata quale u Italiana o Germana; nultempe quale u Franca o Germana. Ol sonas quale la Franca grupo ou. |
| Kande u sequas nemediate a o e, ol formacas kun ici diftongo, qua esas pronuncata unsilabe. La sono u devas audesar quik pos a, e quaze sen intertempo, ma a e recevas la chefa esforco di la voco : Australia, Europa, laute, neutra. |
| Ma, se la renkontro di a, e kun u rezultas de prefixo o sufixo adjuntita a radiko, quale en neutila (ne-utila), kreuro (kre-uro), lore au, eu ne plus facas diftongo, e singla vokalo apartenas a silabo partikulara. Konseque singla esas aparte pronuncata, quale indikesas per (ne-utila e kre-uro) supere. |
| Sequanta q o g, la litero u = w (2) avan vokalo. Ol do sonas quale u en la duesma silabo di aquatic Angla, aquatique Franca, acquatico Italiana, acuatico Hispana. Exemple : qua, quar, quo, qui, guidar, linguo, lingue, linguala = qwa, qwar, qwo, qwi, gwidar, lingwo, lingwe, lingwala. |
| Du sama vokali sucedanta (ii, ee, oo) devas ne ligesar konfuze, ma pronuncesar separite : alopatiisto, antee, heroo. To esas explicite fixigita dal decidi akademiala 815 e 816 (Progreso, V, 723). |
| (1) Por obtenar plu granda fixeso en la pronunco di ta du vokali, on darfas sequar la yena indiko, qua esas ne regulo ma konsilo utila por preventar hezito : |
| On klozas la vokali e, o en silabo apertita (finanta per vokalo). Ex. : m, bn, dm. |
| On apertas la vokali e, o en silabo klozita (finanta per konsonanto). Ex. : smpr, fnstr, prd, mna, mnt. |
| Tale la pronunco esas plu fixa ed eufonioza. Ma co esas nur konsilo e nule regulo obliganta. Nur importas, ma tre importas, la klara pronunco di ta vokali e lia rispektiva dicernebleso de la ceteri (Segun Progreso, VII, 400). |
| (2) Videz plu fore, ye w, Pronunco dil konsonanti e digrami . |
|
|
| Ica pagino modifikesis ye 28-ma januaro 1999. | This page was last modified on January 28, 1999. |