Kompleta
Gramatiko detaloza
di la
linguo internaciona Ido
|
|
||||||||
| Afixi. | Affixes |
| La afixi esas partikuli, elementi tre kurta, quin on uzas por modifikar la koncepto expresata dal radiko. Exemple, en bo-frat-in-o la partikuli bo, in esas afixi e modifikas la koncepto frat. |
| Se li unionesas a la radiko avane (quale bo) on nomizas li prefixi e, se li unionesas a la radiko dope, on nomizas li sufixi. |
| En Ido, la afixi esas nur to, quo li esas nature e gramatike : elementi (preske sempre monosilaba), partikuli modifikanta, quale ni dicis. Konseque li generale ne darfas uzesar kom radiki (1). |
| Advere pri kelka vorti o radiki, quale l'adverbo ne-, la radiko -es, ula prepozicioni, on kustumas dicar, ke li uzesas kom afixi. Ma to ne signifikas, ke li reale e gramatike esas afixi. Restas tote justa, ke ti, quin ni studios sube, ne darfas uzesar kom radiki, exter kazi sorge indikota. |
| (1) Grande eroras Esperanto uzante sua afixi kom radiki : 1e to duopligas neutile la vorto por la sama koncepto (pro quo ilo apud instrumento, od inverse?); 2e to konstante ruptas por profani la kompreno di texto. Ema, eblo, inde, eta, aro e. c. esas por ili tam misterioza kam edzo, fraulo e. c. e la famoza korelativi : chiam, kie, iom, ia, iel, chiu e. c., qui ja per su ruptas la kompreno sat freque. |
|
|
| Ica pagino modifikesis laste ye 9-ma februaro 1999. | This page was last modified on February 9, 1999. |